कर्तृवाच्यम् (Active Voice)

२००७-०५-११ शुक्रवासरः (2007-05-11 Friday)

कर्तरि प्रथमा यत्र द्वितीयाऽथ च कर्मणि।

कर्तृवाच्यं भवेत् तत्तु क्रिया कर्त्रनुसारिणी॥

कर्तरि प्रयोगः - अत्र कर्तुः प्राधान्यं भवति। अतः क्रिया लिङ्गपुरुषवचनेषु कर्तारम् अनुसरति।

यथा - अहं वेदं पठामि। सः वेदं पठति। त्वं वेदं पठसि। अत्र - अहं, सः, त्वं - इति कर्तारः सन्ति। पठ् इति क्रिया अस्ति। पठ्-क्रिया कर्तारम् अनुसरति। वेद इति कर्म अस्ति तस्मात् अयं द्वितीयाविभक्त्याम् अस्ति।