केन्बरानगरं पुनः प्राप्तम् (Returned to Canberra)

२००६-१०-०८ रविवासरः (2006-10-08 Sunday)

अद्य प्रातः उत्थाय अहं राजीवः च क्रिया-योगम् अकुर्व। रविवारे अहं साधारणतः सायंकाले पञ्चवादने शुचितादिव्यांशुभ्यां सह करोमि। किन्तु अद्य राजीवेन सह अकरवं यतो हि कदाचित् केन्बरानगरं तत् समयपूर्वं न प्राप्स्यामि। राजीवस्य भार्या अतीव स्वादिष्टः प्रातराशः अपचत्। वयं तत् प्रातराशं सुखेन अखादाम। तत् परं विलियमवर्यः पुनः आवाम् अमिलत्। वयं कापेयं अपिबाम तत् परम् अहं केन्बरानगराय गमनम् अकरवम्। अत्र अहं त्रिवादने प्राप्तवान्।